Fjærland fjordstove hotell ynskjer å bruke meir av det naturen har å by på, og ha kunnskap om ville matplanter som dei kan dele med gjestene. Når plantene døyr før vinteren er tida inne for soppen. For å identifisera dei etande soppane har me hyra inn plantekjennar og etnobotanist Geir Flatabø frå Plantemangfald AS.
Kunne du tenkt deg å vera med? Kanskje du allereie kjenner til nokon soppar eller bruk av dei? Meld deg på, deltaking er gratis!
Stad: Fjærland fjordstove hotell, Fjærlandsfjorden 258, 6848 Fjærland.
Dato/tid: 9. september 2021, kl. 15:00 (varer 2–3 timar)
Pris: Gratis.
Turen er ei oppfølging av plantesanketuren som vart arrangert våren 2021.
Arrangementet er del av Fjærland fjordstove hotell sitt «Miljøhotellet»-prosjekt som er støtta av Innovasjon Noreg og gjennomført med hjelp frå Plantemangfald AS. Arrangementet kan bli avlyst på kort varsel på grunn av dårleg vêr, covid-pandemien eller andre uføresette omstende.